(ខេត្តកំពង់ចាម)៖ ប្រជាពលរដ្ឋសុំសរសើរចំពោះលោកអ៊ុំ ពែក ដែលអាចឈរជើងបើកល្បែងសង្វៀនជល់មាន់ខ្នាតយក្ស និងអាប៉ោង លេងយ៉ាងរលូនមិនរំខានដល់ លោក ឯម វឌ្ឍនា អធិការស្រុកស្ទឹងត្រង់នោះឡើយ ជាពិសេសនៅរសៀលថ្ងៃទី ១៤ ខែមីនា ឆ្នាំ ២០២២ អង្គភាពសារព័ត៌មានយើងបានទូរសព្ទខលចូលដើម្បីរាយការណ៍ជូនលោកអធិការ តែលោកមិនព្រមទទួល ដោយឡែកក្នុងថ្ងៃនេះផ្ទាល់ពេលអ្នកសារព័ត៌យកលេខទូរសព្ទផ្សេងខលចូលរាយការណ៍ជូនគាត់រឿងល្បែងខ្នាតយក្សនេះបែរជាគាត់សួរយើងវិញថា ម៉េចមានការអី ប្រជាពលរដ្ឋមួយចំនួននៅក្នុងស្រុកស្ទឹងត្រង់បានពោលពាក្យថាតាំងពីបានឡើងមកគ្រប់គ្រងជាអធិការស្រុកស្ទឹងត្រង់មក ដូចជាមិនដែលបង្ក្រាបល្បែងស៊ីសងណាឲ្យបងប្អូនប្រជាពលរដ្ឋឃើញស្នាដៃនោះទេ មានតែបង្កើតឲ្យមានល្បែងស៊ីសងជាច្រើនដែលសារព័ត៌មានយើងទទួលបាននៅក្នុងថ្ងៃនេះចំណែកលោកមិនដែលចុះបង្ក្រាបទេ សូមលោក ឯម វឌ្ឍនា អធិការនគរបាលស្រុកស្ទឹងត្រង់ ជួយមើលទីតាំងល្បែងសង្វៀនជល់មាន់ខ្នាតយក្សនិងអាប៉ោងដ៏ធំប្រចាំស្រុកស្ទឹងត្រង់ មួយកន្លែងផងទាន ដែលកំពុងបើកលេងភ្នាល់លុយរាប់រយលានរៀល ក្នុងភូមិខ្ពបតាងួន ឃុំខ្ពបតាងួន ស្រុកស្ទឹងត្រង់ ខេត្តកំពង់ចាម ជាប់ព្រំប្រទល់ស្រុកព្រែកប្រសព្វ.ខេត្តក្រចេះ ព្រោះប្រជាពលរដ្ឋបានរាយការណ៍មកថាពួកគាត់មិនដែលឃើញមានសមត្ថកិច្ចចុះទៅធ្វើការបង្ក្រាបនោះឡើយ ឬមួយលោក ឯម វឌ្ឍនា អធិការនគរបាលស្រុកស្ទឹងត្រង់ មានភាគហ៊ុននៅក្នុងនេះដែរឬបានជាមិនធ្វើការបង្ក្រាប ឬក៏ខ្លាចបារមីរបស់លោកអ៊ុំ ពេក ព្រោះគាត់ជាស្ដេចក្រាញ់នៅស្រុកនេះ។
បើតាមប្រជាពលរដ្ឋរស់នៅក្នុងភូមិ ឃុំខាងលើ បានប្រាប់មកអង្គភាពសារព័ត៌មានយើងថា ទីតាំងល្បែងបញ្ជល់មាន់ខ្នាតយក្សនិងអាប៉ោងដ៏ធំខុសច្បាប់ខាងលើនេះ អ្នកមានលុយមួយចំនួនបានកែនគ្នាចូលទៅលេងល្បែងភ្នាល់បញ្ជល់មាន់ យ៉ាងគគ្រឹកគគ្រេងថែមទៀតផង ជាពិសេសដូចថ្ងៃ ១៤ នេះផ្ទាល់។
ប្រជាពលរដ្ឋនិងមហាជនជាច្រើនបានសម្ដែងមតិទាំងហួសចិត្តថា ប្រហែលជាលោក ឯម វឌ្ឍនា អធិការស្រុកស្ទឹងត្រង់ អាងខ្លួនជាកូនលោក ឯម កុសល ស្នងការខេត្តកំពង់ចាមហើយមើលទៅ បានមិនខ្វល់អ្វីទាំងអស់ ចំពោះអាជ្ញាធរស្រុកស្ទឹងត្រង់វិញ ដេកលក់អស់ហើយបានជាមើលមិនឃើញនិងមិនដឹងថាក្នុងមូលដ្ឋានរបស់ខ្លួនកំពុងតែមានបនល្បែងបញ្ជល់មាន់ខ្នាតយក្ស ភ្នាល់ដាក់លុយរាប់សែនរាប់លានរៀល ឬក៏លោកអភិបាលស្រុកស្ទឹងត្រង់ខ្លាចបារមីម្ចាស់សៃវៀនខ្នាតយក្សនេះដែរ ។
ពាក់ព័ន្ធនឹងបនល្បែងស៊ីសងខាងលើនេះ អង្គភាពសារព័ត៌មានយើង បានព្យាយាមទំនាក់ទំនង ទៅកាន់លោក ឯម វឌ្ឍនា អធិការស្រុកស្ទឹងត្រង់តាមរយៈទូរស័ព្ទ ប៉ុន្តែតេមិនចូលហើយក៏មិនដឹងរាយការណ៍ជូនលោកតាមរយៈណាដែរ។ ចំណែកលោក ទិន ណេត អភិបាលនៃអភិបាលស្រុកស្ទឹងត្រង់វិញអង្គភាពសារព័ត៌មានយើងមិនមានលេខទំនាក់ទំនងឡើយ។
ពលរដ្ឋនិងមហាជនសុំសំណូមពរដល់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងឯកឧត្តម ឯម កុសល ស្នងការនគរបាលខេត្ត សូមមេត្តាចាត់កម្លាំងជំនាញចុះត្រួតពិនិត្យនិងបង្ក្រាបទីតាំងបនល្បែងស៊ីសងខាងលើនេះផង។ដើម្បីចូលរួមនូវគោលនយោបាយភូមិ.សង្កាត់ទាំង ៩ ចំណុចឲ្យមានប្រសិទ្ធភាពតាមអនុសាសន៍របស់សម្ដេចក្រឡាហោមផងទាន៕