(ខេត្តតាកែវ)៖នៅព្រឹកថ្ងៃព្រហស្បតិ៍ទី ២៤ ខែមិនា ឆ្នាំ ២០២២ ឯកឧត្តមបណ្ឌិត ពេជ សោភ័ន សហប្រធានក្រុមការងារថ្នាក់កណ្ដាលចុះជួយស្រុកព្រៃកប្បាស បានអញ្ជើញបើកការដ្ឋានជួសជុលផ្លូវចំនួន ៤ ខ្សែប្រវែង ៤.៥៥០ម៉ែត្រ ស្ថិតនៅក្នុងឃុំចារ ស្រុកព្រៃកប្បាស ដែលជាការចំណាយថវិកាផ្ទាល់របស់ ឯកឧត្តមបណ្ឌិតនិងលោកជំទាវ ។
ដែលពិធីនេះក៏មានការអញ្ជើញចូលរួមពី ឯកឧត្តម លោកជំទាវប្រតិភូអមដំណើរ ឯកឧត្តម តឹប អឿន ប្រធានក្រុមការងារថ្នាក់កណ្តាលចុះជួយឃុំចារ ឯកឧត្តម លោកជំទាវ លោក លោកស្រី ប្រធាន អនុប្រធាន និងសមាជិកក្រុមការងារចុះជួយឃុំទាំង៧ លោក អ៊ិត សារ ប្រធានគណៈកម្មការធិការគណបក្សស្រុក លោក ញ៉ែម ស្រស់ អនុប្រធានគណៈកម្មាធិការគណបក្សស្រុក ហើយក៏ជាអភិបាលនៃគណៈអភិបាលស្រុកព្រៃកប្បាស លោក លោកស្រី គណៈកម្មាធិការគណបក្សឃុំចារ និងលោក លោកស្រី សមាជិក សមាជិកា គណបក្សប្រជាជនកម្ពុជាឃុំចារ នៃស្រុកព្រៃកប្បាស ខេត្តតាកែវផងដែរ ៕