(ខេត្តក្រចេះ)៖ ក្រោយពីមានការប្តឹងពីដើមបណ្តឹងឈ្មោះ ឡាំ យូអ័រ ភេទស្រី អាយុ ២៤ឆ្នាំ រស់នៅភូមិអាជេន ឃុំកំពង់ចាម ស្រុកសំបូរ ខេត្តក្រចេះបានប្តឹងឈ្មោះ ឡុង សុធន់ និងបក្សពួក ហើយត្រូវបានលោក គុយ ពិទូ ចៅក្រមជំនុំជម្រះសម្រេចផ្តន្ទាទោសជនជាប់ចោទដូចខាងក្រោយ៖
ក.ឈ្មោះ ឡុង សុធន់ ភេទប្រុស អាយុ៤១ឆ្នាំ ជនជាតិខ្មែរ មានអត្តសញ្ញាណសញ្ជាតិ ដាក់ពន្ធនាគារកំណត់រយៈពេល០៣(បី)ឆ្នាំ
ពីបទ អ្នកផ្តើមគំនិតក្នុងបទអំពើលួច និងបទ ធ្វើឲ្យខូចខាតដោយចេតនា(មានស្ថានទម្ងន់ទោស) ប្រព្រឹត្តនៅភូមិ អាជេន ឃ៉ំកំពង់ចាម ស្រុកសំបូរ ខេត្តក្រចេះ កាលពីថ្ងៃទី១៤ ខែកក្កដា ឆ្នា២០២១ ជាបទល្មើសជាក់ចែង និងផ្តន្ទាទោស។
ខ.ឈ្មោះ គិន វិនហេង ហៅ យុន វិសាល ភេទ ប្រុស អាយុ៤១ឆ្នាំ ជាជនជាតិខ្មែរ ដាក់ពន្ធនាគារកំណត់រយៈពេលចំនួន ០២ឆ្នាំ(ពីរឆ្នាំ) និង០៦ខែ(ប្រាំមួយខែ)។
គ.ឈ្មោះ អ៊ុក អាត ភេទប្រុស អាយុ៤២ឆ្នាំ ជនជាតិខ្មែរ ដាក់ពន្ធនាគារកំណត់០២(ពីរឆ្នាំ)០៦ខែ(ប្រាំមួយខែ)។
ពីបទអំពើលួច និងបទធ្វើឲ្យខូចខាតដោយចេតនា(មានស្ថានទម្ងន់ទោស)ប្រព្រឹត្តនៅភូមិអាជេន ឃុំកំពង់ចាម ស្រុកសំបូរ ខេត្តក្រចេះ កាលពីថ្ងៃទី១៤ ខែកក្តដា ឆ្នាំ២០២១ ជាបទល្មើសចែង និងផ្តន្ទាទោសតាមមាត្រា ៣៥៣ មាត្រា ៣៥៤ និង មាត្រា៤១១ ចំណុច១ ចំណុច២ នៃក្រមព្រហ្មទណ្ឌ។
២.ឲ្យឈ្មោះ ឡុង សុធន់ ភេទប្រុស,ឈ្មោះ គិន វិសាល ហៅ ឈុន វិសាល និងឈ្មោះ អ៊ុក អាត រួមគ្នាសងសំណងរដ្ឋប្បវេណីជាទឹកប្រាក់ចំនួន ២០,០០០,០០០៛(ម្ភៃលានរៀល) ទៅដើមបណ្តឹងរដ្ឋប្បវេណី ឈ្មោះ ឡាំ យូអ័រ។
សាលក្រមនេះជនុំជម្រះជាសាធារណៈនៅថ្ងៃទី១៧ ខែតុលា ឆ្នាំ២០២២ ចំពោះមុខជនជាប់ចោទ និងដើមបណ្តឹងរដ្ឋប្បវេណី និង ប្រកាសជាសាធារណៈនៅថ្ងៃ១៧ ខែវិច្ឆិកា ឆ្នាំ២០២២។
ក្រោយពីបានប្រកាសសាលក្រមខាងលើ បើតាមការឲ្យដឹងពីមេធាវីដើមបណ្តឹងឈ្មោះ ឡាំ យូអ័រ បានឲ្យថាពេលនេះភាគីខាងជនជាប់ចោទបានប្តឹងសាលទុក សេចក្តីសម្រេចរបស់ចៅក្រមជំនុំជម្រះ យូ ពិទូ ទៅសាលាឧទ្ធរណ៍តំបន់ត្បូងឃ្មុំជាបន្ត។ ដោយពេលនេះនៅមិនទាន់ដឹងថាមានចំណាត់ការអ្វីបន្តពីសាលាឧទ្ធរណ៍នោះទេ។
សូមរំលឹកផងដែរថាកាលពីថ្ងៃទី២៦ ខែកក្កដា ឆ្នាំ២០២១ ឈ្មោះ ឡាំ យូអ័រ អាយុ២៤ឆ្នាំ មានទីលំនៅភូមិអាជេន ឃុំកំពង់ចាម ស្រុកសំបូរ ខេត្តក្រចេះ។បានដាក់ពាក្យបណ្តឹងទៅអយ្យការអមសាលាដំបូងខេត្តក្រចេះ ដោយមានកម្មវត្ថុៈ ប្តឹងជនជាប់ចោទខាងលើពីបទៈ ធ្វើឲ្យខូចខាតដោយចេតនា និងបទលួចមានស្ថានទម្ងន់ទោស ប្រព្រឹត្តកាលពីថ្ងៃទី១៤ ខែកក្តដា ឆ្នាំ២០២១ នៅចំនុចភូមិ ឃុំខាងលើ។ ហើយកន្លងមក ស្ត្រីរងគ្រោះ ឡាំ យូអ័រ ក៏បានស្កាត់ទៅសុំកិច្ចអន្តរាគមន៍ពីឯកឧត្តម លី សាម៉េត ទីប្រឹក្សាផ្ទាល់សម្តេចតេជោនាយករដ្ឋមន្ត្រី និងជាប្រធានគណបក្សប្រជាជនកម្ពុជា និងឯកឧត្តម ដួង តារា រដ្ឋលេខាធិការទីស្តីការគណៈរដ្ឋមន្ត្រី និងជាជំនួយការផ្ទាល់សម្តេចតេជោនាយករដ្ឋមន្ត្រីផងដែរ។
ជុំវិញករណីនេះភ្នាក់ងារសារព័ត៌មានរបស់យើង នឹងរងចាំតាមដានបន្ថែមទៀត ដោយករណីនេះក៏ត្រូវបានរដ្ឋបាលខេត្តក្រចេះកំពុងធ្វើការសម្របសម្រួលផងដែរ៕
