ទាន់ហេតុការណ៍
លោកឧត្តមសេនីយ៍ត្រី សេង មហា អញ្ជើញប្រកាសតែងតាំង មេបញ្ជាការមូលដ្ឋានកងរាជអាវុធហត្ថស្រុកសំរោង...»»»ឯកឧត្តមអភិសន្តិបណ្ឌិត ស សុខា បង្ហាញបំណងពង្រីកកិច្ចសហប្រតិបត្តិការវិស័យសន្តិសុខជាមួយទីម័រខាងកើត»»»ក្រសួងពាណិជ្ជកម្ម សហការរៀបចំវគ្គផ្សព្វផ្សាយ «ច្បាប់ស្តីពីសុវត្ថិភាពម្ហូបអាហារ ច្បាប់ស្តីពីកិច្ចការពារអ្នកប្រើប្រាស់ និងបទប្បញ្ញត្តិពាក់ព័ន្ធ» នៅសាលាប៊ែលធីអន្តរជាតិ ...»»»លោក អ៊ូច ភា អភិបាលខេត្ត បានអញ្ជើញបើកកិច្ចប្រជុំគណៈបញ្ជាការឯកភាពរដ្ឋបាលខេត្តតាកែវ...»»»ករណីហិង្សាព្រួតគ្នា៣វៃមួយ!ចុងក្រោយភាគីជនរងគ្រោះក្លាយជាជនសង្ស័យទៅវិញ...»»»ឯកឧត្តមអភិសន្តិបណ្ឌិត ស សុខា ការចុះបញ្ជីអត្រានុកូលដ្ឋាន និងអត្តសញ្ញាណកម្ម គឺជាកិច្ចការដ៏មានសារៈសំខាន់មួយក្នុងការរួមចំណែកលើកកម្ពស់អភិបាលកិច្ចល្អ !!!»»»ជនរងគ្រោះស្នើសុំឱ្យអាជ្ញាធរជួយស្វែងរកជនល្មើសយកមកផ្ដន្ទាទោសពាក់ព័ន្ធការឆបោកតាមប្រព័ន្ធអនឡាញ...»»»ឯកឧត្តម រ័ត្ន ស្រ៊ាង ផ្ញើសារលិខិតជូនពរ សម្តេចមហាបវរធិបតី ហ៊ុន ម៉ាណែត ក្នុងឱកាសខួបកំណើតគម្រប់ ៤៦ ឈានចូល ៤៧ឆ្នាំ!»»»ក្នុងថ្ងៃកាន់បិណ្ឌវេនទី១២!!!ឧត្តមសេនីយ៍ឯក រ័ត្ន ស្រ៊ាង នាំទេយ្យទានប្រគេនព្រះសង្ឃចំនួន០២វត្ត ក្នុងសង្កាត់ព្រែកកំពឹស ខណ្ឌដង្កោ!»»»លោកឧត្តមសេនីយ៍ឯក រ័ត្ន ស្រ៊ាង ផ្ញើសារលិខិតអបអរសាទរ និងគោរពជូនពរឯកឧត្តម ជីវ កេង ក្នុងឱកាសត្រូវបានតែងតាំង ជាប្រធានតុលាការកំពូល នៃព្រះរាជាណាចក្រកម្ពុជា
0

យុទ្ធនាការប្រយុទ្ធប្រឆាំងគ្រឿងញៀនលើកទី៤ តំណាងសម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃបានដឹកនាំបើកកិច្ចប្រជុំពង្រឹងប្រសិទ្ធភាពកិច្ចប្រតិបត្តិការ

យុទ្ធនាការប្រយុទ្ធប្រឆាំងគ្រឿងញៀនលើកទី៤ តំណាងសម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃបានដឹកនាំបើកកិច្ចប្រជុំពង្រឹងប្រសិទ្ធភាពកិច្ចប្រតិបត្តិការ

ភ្នំពេញ ៖នៅព្រឹកថ្ងៃព្រហស្បតិ៍ ៣រោច ខែជេស្ឋ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី ២០ ខែមិថុនា ឆ្នាំ២០១៩ នាទីស្តីការក្រសួងមហាផ្ទៃ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងជាប្រធានលេខាធិការដ្ឋាន នៃយុទ្ធនាការប្រយុទ្ធប្រឆាំងគ្រឿងញៀនលើកទី៤ តំណាងសម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃបានដឹកនាំបើកកិច្ចប្រជុំពង្រឹងប្រសិទ្ធភាពកិច្ចប្រតិបត្តិការបង្រ្កាបបទល្មើសគ្រឿងញៀននៅតាមក្លឹបកម្សាន្ត និងទីតាំងកម្សាន្តនានា ដែលមានការជួញដូរ និងប្រើប្រាស់គ្រឿងញៀន ដើម្បីអនុវត្តស្របតាមផែនការយុទ្ធសាស្រ្តប្រឆាំងគ្រឿងញៀនខុសច្បាប់លើកទី៤ ដោយកិច្ចប្រជុំនេះមានការចូលរួមពីថា្នក់ដឹកនាំមន្រ្តីនគរបាលជាន់ខ្ពស់ក្រសួងមហាផ្ទៃ តំណាងថ្នាក់ដឹកនាំអាជ្ញាធរជាតិប្រយុទ្ធប្រឆាំងគ្រឿងញៀន អាជ្ញាធររាជធានី-ខេត្ត និងភាគីពាក់ព័ន្ធជាច្រើនទៀត។

យោងតាមរបាយការណ៍ រយៈពេល០៥ខែ ដើមឆ្នាំ២០១៩ បានបញ្ជាក់ថា កងកម្លាំងអនុវត្តច្បាប់បានធ្វើការបង្ក្រាបបទល្មើសគ្រឿងញៀន
សរុបចំនួន៣,៣៣៥ករណី ឃាត់ខ្លួន៧,០៩៧នាក់ ចាប់យកសារធាតុញៀនគ្រប់ប្រភេទសរុប ៣១០.៩៨គីឡូក្រាម កញ្ញាស្រស់៤៧.១០៣ដើម រួមនឹងមធ្យោបាយសម្ភារវត្ថុតាងមួយចំនួនទៀត។
ដោយឡែក លទ្ធផលបង្ក្រាបតាមគោលដៅក្លឹបកំសាន្ត និងទីតាំងសប្បាយដ្ឋាន ផ្អែកតាមរបាយការណ៍ដែលទទួលបានពីលេខាធិការដ្ឋាន នៃគណៈបញ្ជាការអនុវត្តផែនការយុទ្ធនាការប្រយុទ្ធប្រឆាំងគ្រឿងញៀនលើកទី៤រាជធានី ខេត្ត បានឲ្យដឹងថា ក្នុងចំណោមគោលដៅអាជីវកម្ម ក្លឹបកំសាន្ត ទីតាំងសប្បាយដ្ឋាន ចំនួន៧,១១៣ទីតាំង ត្រូវបានសមត្ថកិច្ចចុះផ្សព្វផ្សាយអប់រំ ធ្វើកិច្ចសន្យា ដើម្បីស្នើសុំកិច្ចសហការក្នុងការបង្ការ ទប់ស្កាត់ការជួញដូរ និងប្រើប្រាស់គ្រឿងញៀនបានចំនួន ៣,៧៤១កន្លែង ស្មើនឹង៥២%។

លេខាធិការដ្ឋាននៃយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៤ បានដាក់ទិសដៅបន្ត គឺចាប់ពីពេលនេះរហូតដល់ដំណាច់ឆ្នាំ២០១៩ ដោយធ្វើការប្ដេជ្ញាចិត្តរួមគ្នាខិតខំប្រឹងប្រែងអនុវត្តឲ្យបានសម្រេចតាមអនុសាសន៍ដ៏ខ្ពង់ខ្ពស់របស់ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានគណៈបញ្ជាការនិ ដឹកនាំយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី ៤ ក្នុងការលុបបំបាត់ការជួញដូរប្រើប្រាស់គ្រឿងញៀននៅតាមក្លឹបកម្សាន្តនិងទីតាំងសប្បាយដ្ឋានឲ្យបានទាំងស្រុងនាចុងឆ្នាំ ២០១៩។ ដូច្នេះដើម្បីធ្វើឲ្យទិសដៅដែលបានប្ដេជ្ញាចិត្តខាងលើសម្រេចទៅបានប្រកបដោយភាពជោគជ័យគ្រប់ស្ថាប័ននិងអាជ្ញាធរមានសមត្ថកិច្ចពាក់ព័ន្ធត្រូវផ្ដោតការយកចិត្តទុកដាក់លើការងារសំខាន់ៗ ដូចខាងក្រោម៖

១.គណៈកម្មាធិការត្រួតពិនិត្យគ្រឿងញៀនខុសច្បាប់រាជធានីខេត្តត្រូវយកចិត្តទុកដាក់ដឹកនាំតម្រង់ទិសដាក់ចេញផែនការចំណុចខ្ពស់ក្នុងការបង្ក្រាបគ្រឿងញៀនតាមក្លឹបកម្សាន្តនិងទីតាំងសប្បាយដ្ឋានទៅក្នុងនោះ៖ កម្លាំងមានសមត្ថកិច្ចអនុវត្តច្បាប់ទាំងអស់ដែលជាសេនាធិការត្រូវខិតខំក្តាប់សភាពការណ៍ ប្រមូលផ្ដុំព័ត៌មានជំនាញនិងផ្ដួចផ្ដើមនូវវិធានការតស៊ូបង្ការបង្ក្រាបបទល្មើសជួញដូរនិងប្រើប្រាស់គ្រឿងញៀន ត្រូវកំណត់សន្ទស្សន៍ទីតាំងគោលដៅដែលងាយអាចកើតឡើងនូវបទល្មើសជួញដូរនិងប្រើប្រាស់គ្រឿងញៀនឲ្យបានច្បាស់លាស់ដោយលើកឡើងនូវផែនការប្រតិបត្តិការឲ្យបានហ្មត់ចត់ដើម្បីបញ្ចប់ទាំងស្រុងនូវការជួញដូរប្រើប្រាស់គ្រឿងញៀននៅតាមទីតាំងទាំងនោះ ក្នុងករណីចាំបាច់ត្រូវស្នើសុំកិច្ចអន្តរាគមន៍គាំទ្រពីថ្នាក់ជាតិ ដើម្បីឲ្យដំណើរការប្រតិបត្តិការអនុវត្តផែនការដែលបានដាក់ចេញសម្រេចបានជោគជ័យ

២.ជំរុញកិច្ចសហការជាមួយម្ចាស់ក្លឹបកម្សាន្តនិងទីតាំងសប្បាយដ្ឋាន ដើម្បីបំផុសឲ្យចូលរួមបង្ការទប់ស្កាត់ការជួញដូរប្រើប្រាស់គ្រឿងញៀននិងមានស្មារតីទទួលខុសត្រូវខ្ពស់ចំពោះមុខច្បាប់ក្នុងករណីសមត្ថកិច្ចរកឃើញមានការជួញដូរប្រើប្រាស់គ្រឿងញៀននៅក្នុងទីតាំងរបស់ខ្លួន

៣.កម្លាំងមានសមត្ថកិច្ចនៅថ្នាក់ជាតិត្រូវខិតខំបំបាក់ប្រមែប្រមូលព័ត៌មាន ភស្តុតាងពាក់ព័ន្ធការនាំចូលនូវឯកសារនាំចូលនូវសារធាតុញៀនបំរើអោយទីផ្សារនៅក្នុងបរទេសនៅក្នុងប្រទេសដោយពង្រឹងនូវវិធានការក្នុងការទប់ស្កាត់និងបង្ក្រាបបទល្មើសគ្រឿងញៀនជាពិសេសបន្តខិតខំទប់ស្កាត់ការនាំចូលពីក្រៅប្រទេសនិងស្រាវជ្រាវបង្ក្រាបឲ្យដល់ឫសគល់កាប់ផ្តាច់ខ្សែរយៈបណ្ដាញនិងតាមចាប់មេក្លោងមកផ្ដន្ទាទោសតាមច្បាប់

៤. ត្រូវយកចិត្តទុកដាក់ថែបំប៉ន និងលើកកម្ពស់សមត្ថកិច្ចមន្ត្រីអនុវត្តច្បាប់ លើកកម្ពស់កិច្ចសហប្រតិបត្តិការអន្តរជាតិ សំដៅធ្វើឲ្យប្រតិបត្តិការបង្ក្រាបគ្រឿងញៀនខុសច្បាប់កាន់តែមានប្រសិទ្ធភាព

៥. គណៈកម្មាធិការត្រួតពិនិត្យគ្រឿងញៀនខុសច្បាប់រាជធានី ខេត្ត ត្រូវទទួលខុសត្រូវចំពោះមុខគណៈបញ្ជាការដឹកនាំយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី ៤ក្នុងការដឹកនាំការបង្ការការងារបង្ការទប់ស្កាត់និងបង្ក្រាបការជួញដូរប្រើប្រាស់គ្រឿងញៀនតាមក្លឹបកម្សាន្តនិងទីតាំងសប្បាយដ្ឋានក្នុងភូមិសាស្ត្រនៃដែនសមត្ថកិច្ចរបស់ខ្លួន៕

Filed in: ព័ត៌មានជាតិ, ព័ត៌មានថ្មី, សន្តិសុខ សង្គម, សូមរាយការណ៍

Recent Posts

Bookmark and Promote!

Leave a Reply

Submit Comment
«រស្មីសំពៅមាស | Rasmei Sampov Meas» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 099 75 66 65 | 096 95 59 334 | 088 75 66 655 សូមអរគុណ !

©២០១៨ រក្សាសិទ្ធិ ដោយ «រស្មីសំពៅមាស | Rasmei Sampov Meas» | ទូរស័ព្ទ៖ 099 75 66 65 | 096 95 59 334 | 088 75 66 655

អ៊ីម៉ែល៖ kealida1986@gmail.com

សហការផ្តល់ព័ត៌មាន៖ 099 75 66 65 | 096 95 59 334 | 088 75 66 655 | អ៊ីម៉ែល ៖ kealida1986@gmail.com