នោះល្បីទៀតហើយកម្លាំងនគរបាល​ចម្រុះខណ្ឌមានជ័យ ឃាត់ខ្លួនអ្នកសារព័ត៌មានចំនួន ៤ នាក់និងលេងចំនួន៥នាក់ ក្នុងការបង្ក្រាបល្បែងជល់មាន់ បញ្ជូនទៅតុលាការទាំងអស់

(ភ្នំពេញ)៖នគរបាលខណ្ឌមានជ័យ នៅវេលាថ្ងៃត្រង់ទី៣០ ខែមិថុនា ឆ្នាំ 2019នេះ បានចុះបង្ក្រាបល្បែងជល់មាន់ដុះស្លែមួយកន្លែង នៅចំណុចព្រៃជ្រៅ ក្នុងភូមិឫស្សី សង្កាត់ស្ទឹងមានជ័យទី២ ខណ្ឌមានជ័យ ដោយឃាត់ខ្លួនអ្នកលេងចំនួន ៥នាក់និងអ្នកកាសែត៤នាក់ផងដែរ ។

លោកវេសេនីយ៍ទោ ម៉េង វិមានតារា អធិការនគរបាលខណ្ឌមានជ័យ ថ្លែងប្រាប់ថា ទីតាំងមួយនេះ គឺ កើតឡើងយូរហើយ តែសមត្ថកិច្ចរៀបចំកម្លាំងទម្រាំបង្ក្រាបបាន គឺ មានការលំបាកណាស់ ព្រោះទីតាំងស្មុគស្មាញ ក្នុងព្រៃជ្រៅ ។ ជាមួយគ្នានេះ លោក បញ្ជាក់ថា សមត្ថកិច្ចបានឃាត់ខ្លួនអ្នកលេង៥នាក់ និង អ្នកកាសែត៤នាក់ ដែលនឹងត្រូវបញ្ជូនទៅតុលាការទាំងអស់ ។

លោកអធិការ បន្តថា អ្នកកាសែតទាំងនេះ គឺ មកលេងជល់មាន់ផង និង មកយកលុយពីល្បែងទាំងនេះផង ។ ទោះបីយ៉ាងណា លោកអធិការ បញ្ជាក់ថា ពុំទាន់ស្គាល់អត្តសញ្ញាណម្ចាស់ទីតាំងនៅឡើយទេ ដោយកំពុងស្រាវជ្រាវស្វែងរកចាប់ខ្លួន ។

ជាការកត់សម្គាល់ ក្នុងការបង្ក្រាបនេះ គឺ សមត្ថកិច្ចរកឃើញកាតអ្នកកាសែតជាច្រើន ដែលសុទ្ធសឹងជាអ្នកយកលុយពីល្បែងស៊ីសងទាំងនេះ ។

ទន្ទឹមនេះ សមត្ថកិច្ច រកឃើញវត្ថុតាងមាន់ចំនួន៣ក្បាល ម៉ូតូចំនួន៤គ្រឿង ចានអាប៉ោង១ខ្នាយដែក២ដើមនាមប័ណ្ណអ្នកកាសែតជាច្រើនអង្គភាពមួយចំនួនធំ។ ក្រោយមកសមត្ថកិច្ចបានឃាត់ខ្លួនទាំងវត្ថុតាងយកមកប៉ុស្តិ៍នគរបាលស្ទឹងមានជ័យទី២ដើម្បីធ្វើការសួរនាំនិងធ្វើការបញ្ចូនមនុស្សចំននួ៥នាក់រួមទាំងអ្នកកាសែត៤នាក់និងទាំងវត្ថុតាងនិងម៉ូតូទៅតុលាការដើម្បីចាត់ការតាមច្បាប់ ។

គេនៅចាំបានថា កាលបង្ក្រាបល្បែងជល់មាន់ដ៏ធំនៅតំបន់អរិយក្សត្រ ខេត្តកណ្តាល ក៏សមត្ថកិច្ចរកឃើញកាតកាសែតជាច្រើនស្ថាប័នផងដែរ ៕សូមតាមដានបន្តទៅទៀតនៅរឿងសមត្ថកិច្ចចាប់អ្នកកាសែតបញ្ហាចោទទៅជល់មាន់ផងទៅយកលុយផង