(ខេត្តស្វាយរៀង)៖ខ្ញុំបាទ ចាងហ្វាង គេហទំព័(រស្មីសំពៅមាស)សូមគោរពនិងជម្រាបជូនព័ត៌មានទៅដល់ឯកឧត្តម ឧត្តមសេនីយ៍ទោ កឹង ឃន ស្នងការនគរបាលខេត្តស្វាយរៀង ជ្រាបជាព័ត៌មាននៅចំណុចភូមិក្រសាំងជ្រុំ ឃុំគ្រួស ស្រុកស្វាយជ្រំ ខេត្តស្វាយរៀង។
ប្រភពពីប្រជាពលរដ្ឋនៅទីតាំងខាងលើបានឲ្យដឹងថាសង្វៀនប្រជល់មាន់នៅជិតព្រំដែនកម្ពុជាវៀតណាមកំពុងតែបើកលេងយ៉ាងអនាធិបតេយ្យហើយបណ្ដោយឲ្យ បងប្អូនខ្មែរចូលលេងតាមសេរីទៀតផងបើតាមច្បាប់កាស៊ីណូគឺសម្រាប់តែជនបរទេសទេ បន្ថែមពីនេះទៅទៀតទីតាំងល្បែងជល់មាន់មួយនេះមានទាំងអាប៉ោង.យូគីគឺដុះស្នឹមយូរមកហើយ សង្ស័យថាមន្ត្រីថ្នាក់ក្រោមកំពុងតែត្រូវថ្នាំសណ្តំរបស់ម្ចាស់សង្វៀនហើយមើលទៅបានមិនណែនាំ រឺបង្ក្រាបសោះ។
ប្រភពពីអ្នកសង្កេតការណ៍បានឲ្យដឹងថាទីតាំងមួយនេះប្រហែលជាមានម្ចាស់ខ្នងធំហើយមើលទៅបានជាមន្ត្រីថ្នាក់ក្រោមឬអាជ្ញាធរដែលពាក់ព័ន្ធមិនហ៊ានចុះបង្ក្រាបសង្ស័យថាឃុបឃិតគ្នាជាលក្ខណៈប្រព័ន្ធមួយហើយបានមិនមាននណាហ៊ានបង្រ្កាបអញ្ចឹង។
ដោយមានការសំណូមពរពីប្រជាពលរដ្ឋរស់នៅក្បែរទីតាំងខាងលើសូមសំណូមពរដល់ លោកអភិបាលនៃគណៈអភិបាលខេត្ត និង ឯកឧត្តម ឧត្តមសេនីយ៍ទោ កឹង ឃន ស្នងការនគរបាលខេត្តស្វាយរៀង សូមលោកមេត្តាចាត់មន្ត្រីអាជ្ញាធរដែលពាក់ព័ន្ធដាក់ការស៊ើបអង្កេតចំពោះសង្វៀនជល់មាន់អាប៉ោង.យូគីមួយនេះផង។ប្រជាពលរដ្ឋសង្ឃឹមយ៉ាងមុតមាំថាលោកស្នងការនឹងមានវិធានការក៏ដូចជាមានចំណាត់ការឆាប់ៗចំពោះល្បែងស៊ីសងមួយនេះផង។
ខ្ញុំបាទជាអ្នកសារព័ត៌មានបានត្រឹមតែជាកញ្ចក់ឆ្លុះបញ្ចាំងនៅអ្វីដែលការពិតតែបើសិនជាមិនពិតខ្ញុំបាទនិងសូមធ្វើការបកស្រាយសារជាថ្មីម្ដងទៀត ឬក៏អាចទំនាក់ទំនងមកខ្ញុំបាទតាមលេខទូរសព្ទ(០៨៨ ៧៥៦៦៦៥៥)សូមអរគុណ ៕
