(ខេត្តតាកែវ) ៖អ្នករកស៊ីដឹកទំនិញតូចតាចជាពិសេសម្ចាស់រថយន្តសាំយ៉ុងដឹកទំនិញ បាន ឲ្យដឹងថាពួកគាត់រកស៊ីដឹកទំនិញគ្រប់ប្រភេទ ក្នុងនោះមានបន្លែនិងផ្លែឈើជាដើម គឺដឹកចេញពីប្រទេសវៀតណាម តាមច្រកទ្វារភ្នំដិន ដែលគ្រប់គ្រងដោយលោក
ខៀវ សាម៉េត ជាប្រធានការិយាល័យ នៅទីនោះ ក៏មិនធម្មតាផងដែរ ។
ម្ចាស់រថយន្តសាំយ៉ុងជាច្រើនសុទ្ធតែបានអះអាងថា ដាច់ខាតគឺត្រូវតែបង់លុយឲ្យមន្ត្រីសាខាគយនិងរដ្ឋករខេត្តតាកែវ ជាប្រចាំ ចាប់ពី៨ម៉ឺនរហូតដល់ជាង២០ម៉ឺនរៀល សម្រាប់ រថយន្តសាំយ៉ុងមួយគ្រឿងនោះ ដែលក្នុងមួយយប់ៗមានរថយន្តរថយន្តសាំយ៉ុងរាប់រយគ្រឿង ដឹកទំនិញឆ្លងកាត់ខាងមុខស្នាក់ការគយក្នុងខេត្តតាកែវនេះ។
គេអះអាងថា នៅក្នុងទឹកដីនៃខេត្តតាកែវនេះ ដែលមានលោក កែវ វ៉ាន្នី ជាប្រធានសាខាគយ និងរដ្ឋាករខេត្ត កំពុងអនុវត្ត ផ្ទុយទៅនឹងគោលការ! ការងារទៅតាមបច្ចេកទេសគយនិងរដ្ឋករ ដោយសំអាង ថាគាត់ជាមេសាខាគយនោះ បានប្រព្រិតអំពើពុករលួយ ឃុបឃិតគ្នា បើកដៃឲ្យឈ្មួញធំៗនាំទំនិញគិចពន្ធយ៉ាងគគ្រឹកគក្រេងក្នុងក៏មានទំនិញខូចគន់ភាពផងដែរដែលកំពុងចរាចរណ៍នាំចូលទៅលក់នៅរាជធានីភ្នំពេញ។
តាមរយៈការកៀបសង្កត់ និងតម្រូវឲ្យអ្នករកស៊ីតូចតាចបង់លុយនោះ មតិខាងលើបន្តរិះគន់ចំៗថា គាត់ហ្នឹងបានបណ្ដោយឲ្យមានកានាំចូលទំនិញគិចពន្ធគ្រប់ប្រភេទឆ្លងដែនចូលមក លក់ចែកចាយក្នុងប្រទេសកម្ពុជា បានយ៉ាងរលូនដោយថ្នូរសំណូកក្រោមតុ។
ការប្រព្រឹត្តរបៀបនេះ គឺជាអំពើពុករលួយមួយ យ៉ាងច្បាស់ដែលកំពុងអនុវត្តផ្ទុយទៅនឹងច្បាប់អគ្គនាយកដ្ឋានគយនិងរដ្ឋករកម្ពុជា។
ចំពោះរថយន្តដឹកទំនិញធំៗ របស់ក្រុមហ៊ុនភាពច្រើន ដែលដឹកចេញមកពីច្រកកំពង់អំពិល ក្នុងស្រុកបូរីជលសា ចូលមកក្នុងលក់ក្នុងស្រុកនោះ បើយោងតាមប្រភពបានអះអាងថា ជាការពិតជាក់ស្ដែងនោះ គឺមេគយខេត្តតាតែវ រូបនេះ តាមរយៈនៃការ បើកដៃអោយឈ្មួញដែលមានងារជា ឧកញ៉ា ធំៗរកស៊ីនាំទំនិញបង់ពន្ធមិនគ្រប់ ហូរចូលមកលក់ចែកចាយក្នុងស្រុក ដោយឆ្លងកាត់នៃទឹកដីខេត្តតាកែវ ដែលធ្វើអោយរដ្ឋបាត់ចំណូលពន្ធក្នុងមួយឆ្នាំមួយឆ្នាំៗរាប់លានដុល្លារតែម្ដង។
គេអះអាងថា ទំនិញគ្រប់ប្រភេទជាពិសេស គ្រឿងសំណង់និងទំនិញផ្សេងៗទៀត ភាគច្រើននោះ គឺបង់ពន្ធមិនគ្រប់ប្រមាណជាង៧៥% ដែលកំពុងចរាចរណ៍នាំចូលតាមច្រកទ្វារព្រំដែនកំពង់អំលិល ដែលស្ថិតនៅក្រោមក្រសែភ្នែក លោកកែវ វណ្ឌី ជាប្រធានការិយាល័យគយនិងរដ្ឋករស្រុក បូរីជលសា ដែលពួកគេ កំពុងឃុបឃិតគ្នាជាប្រព័ន្ធ បើដៃនិងមានកញ្ចប់លុយបន្ថែម សម្រាប់បង់ឲ្យលោក កែវ វ៉ាន្នី ប្រធានសាខាគយនិងរដ្ឋកខេត្តតាកែវ មិនអាចរំលងបាននោះឡើយ។
ជុំវិញព័ត៌មានខាងលើនេះគេដាក់ការសង្ស័យថាលោក គុណ ញឹមអគ្គនាយកគយនិងរដ្ឋាករប្រចាំនៃព្រះរាជាណាចក្រកម្ពុជា ដែលជាអ្នកបោះមេ ខណៈជារៀងរាល់ថ្ងៃគេសង្កេតឃើញមានរថយន្តតូចធំ កំពុងចរាចរណ៍ ដឹកទំនិញគ្រប់ប្រភេទ ចូលទៅលក់នៅរាជធានីភ្នំពេញ។ ចេញផ្សាយថ្ងៃទី៧ ខែកក្កដា ឆ្នាំ២០១៩
ដោយៈ អង្គភាពសារព័ត៌មាន រស្មីសំពៅមាស
ការិយាល័យនិពន្ធ 088 75 666 55/099 569 538/
