(ខេត្តព្រះវិហារ)៖ការដេញថ្លៃលើគម្រោងមូលនិធិអភិវឌ្ឍន៍ឃុំ.សង្កាត់ ត្រូវបានធ្វើឡើងនៅសាលាសង្កាត់បាលហាល ក្រុងព្រះវិហារ ខេត្តព្រះវិហារ ដែលប្រព្រឹត្តទៅនាព្រឹកថ្ងៃទី ២៧ ខែកក្កដា ឆ្នាំ ២០២៣ ហាក់ដូចជាមានភាពមិនប្រក្រតីសោះ ដោយតម្លៃប៉ានស្មាននិងតម្លៃដែលក្រុមហ៊ុនបានដេញថ្លៃប្រហាក់ប្រហែលគ្នា ជាពិសេសឃើញថាមានក្រុមហ៊ុនជាច្រើនទៀតដែលមកចូលរួមដាក់ដេញថ្លៃ តែផ្ទុយទៅវិញក្រុមហ៊ុនទាំងអស់នោះបែរជាមិនចូលរួម ហើយបាននិយាយត្រូវរូវគ្នាជាថ្នូរនិងទឹកតែ និងបានរៀបចំ ហែកលុយរបស់ជាតិដែលជាគម្រោងអភិវឌ្ឍន៍ ឃុំ.សង្កាត់ ដែលក្រសួងបានរៀបចំទម្លាក់តាមឃុំ.សង្កាត់ ដើម្បីអភិវឌ្ឍន៍នៅក្នុងមូលដ្ឋានសម្រាប់ឆ្នាំ 2023 នេះ ដើម្បីយកមកហែកចែកគ្នាចាយតាំងពីថ្នាក់ក្រោមរហូតដល់ថ្នាក់លើ។
ពាក់ព័ន្ធនឹងភាពមិនប្រក្រតីនៃគម្រោងដេញថ្លៃនៅសាលាឃុំខាងលើនេះដែរ ឃើញថាមានតែ០១ក្រុមហ៊ុនដេញបានចំនួន០២គម្រោង ដែលដេញបានក្នុងតម្លៃទាប ហើយតម្លៃទាំងអស់នោះប្រហាក់ប្រហែលនិងតម្លៃប៉ាន់ស្មានតែម្ដងដូចការរៀបចំទុកអញ្ចឹង។
ទី១/សាលាសង្កាត់បាលហាល សាងសង់ផ្លូវបេតុងអាមេប្រវែង៧០ម៉ែត្រ ទទឹងខ្នងលើ ៥ម៉ែត្រ កម្រាស០,១៥ ម៉ែត្រដាក់បង្គោលភ្លើងសូឡាបំភ្លឺផ្លូវសាធារណៈចំនួន០២កន្លែងនិងដាក់ស្លាកសញ្ញាគម្រោង១កន្លែង ការថែទាំ៖ រយៈពេល ៦ ខែ មានតម្លៃប៉ាន់ស្មាន៤១,៤៧១,៨៨៥រៀល។
ដែលមានឈ្មោះ ជីវ ប៊ុននី និងក្រុមហ៊ុនឈ្មោះ ជីវ
ប៊ុននី ដេញបានក្នុងតម្លៃទាប ៤០,៩៩៩,០០០រៀល ប្រហាក់ប្រហែលនិងតម្លៃប៉ាន់ស្មាន។
ទី២/ សាលាសង្កាត់បា៉លហាល ដដែល សាងសង់ផ្លូវក្រួសក្រហម ប្រវែង៤០០ម៉ែត្រ ទទឹង ៥ ម៉ែត្រនិងសាងសង់ផ្លូវក្រួសក្រហមប្រវែង១៣២ម៉ែត្រ ទទឹង៤ម៉ែត្រ កម្រាស់ក្រួសក្រហម០,១៥ម៉ែត្រ លូមូលទោលមុខកាត់០,៦០ម៉ែត្រ ប្រវែង ៧ម៉ែត្រចំនួន០១កន្លែង លូមូលទោលមុខកាត់១ម៉ែត្រ ប្រវែង៧ម៉ែត្រ ដាក់បង្គោលភ្លើងសូឡាបំភ្លឺផ្លូវសាធារណៈចំនួន០២កន្លែង និងដាក់ស្លាកសញ្ញាគម្រោងចំនួន០១កន្លែង ការថែទាំ៖ រយៈពេល ៦ ខែ មានតម្លៃប៉ាន់ស្មាន ៧៨,២០៣,២៤៣រៀល។ ដែលមានឈ្មោះ ជីវ ប៊ុននី និងក្រុមហ៊ុនឈ្មោះ ជីវ ប៊ុននី ដដែលដេញបានក្នុងតម្លៃទាប ៧៧,៥៦៨,០០០រៀល ប្រហាក់ប្រហែលនិងតម្លៃប៉ានស្មាន។
ដោយក្រុមហ៊ុនមួយនេះ ប្រព្រឹត្តអំពើពុករលួយដែលធ្វើអោយមានការខាតបង់ថវិការរបស់ជាតិរាប់សិបលាន ។
ជុំវិញបញ្ហានេះដែរប្រជាពលរដ្ឋជាច្រើន សុំសំណូមពរទៅដល់ឯកឧត្តមអភិបាលខេត្តព្រះវិហារ ក៏ដូចជាប្រធានលទ្ធកម្មបច្ចេកទេសខេត្ត សូមពិនិត្យលើឯកសារដេញថ្លៃគម្រោងឃុំ.សង្កាត់ក្រុមហ៊ុនមួយនេះផង មុននឹងចុះកុងត្រាដំណើរជាផ្លូវការ ជាពិសេសគម្រោងដទៃទៀតនៅក្នុងខេត្តព្រះវិហារ សូមឱ្យមានការដេញជាតម្លាភាពនៃការដេញថ្លៃគម្រោងអភិវឌ្ឍន៍ឃុំ សង្កាត់ផងដែរ ៕ទំនាក់ទំនងការផ្សាយពាណិជ្ជកម្ម 088 7566655/096 7566655
