(រតនគិរី)៖ ទីតាំងសង្វៀនបញ្ជល់មាន់និង បៀអាប៉ោងខុសច្បាប់មួយកន្លែងកំពុងដំណើរការបើកលេងយ៉ាងពេញបន្ទុកជារៀងរាល់ថ្ងៃនៅចំណុចចម្ការស្វាយចន្ទីស្ថិតនៅឃុំឯកភាព ស្រុកអូរជុំ ខេត្តរតនគិរី ដែលគេដឹងថាមានឈ្មោះ សី និងឈ្មោះ ថា ជាអ្នកមើលការខុសត្រូវ ជាពិសេសអ្នកទាំងពីរនាក់នេះមិនដឹងថាមានតួនាទីអ្វីនោះទេបានជាអាជ្ញាធរមានសមត្ថកិច្ច ក្នុងស្រុកអូរជុំ ខេត្តរតនគីរី ដែលពាក់ព័ន្ធគ្មានចំណាត់ការបង្រ្កាបសោះឡើយ។
ប្រភពពីប្រជាពលរដ្ឋបានឲ្យដឹងទៀតថាទីតាំងល្បែងសុីសងខុសច្បាប់មួយកន្លែងកំពុងបើកលេងយ៉ាងរលូននេះស្ថិតនៅឃុំឯកភាព ស្រុកអូរជុំខេត្តរតនគិរី ។
ជាពិសេសពលរដ្ឋនាំគ្នាឆ្ងល់យ៉ាងខ្លាំង ថាទីតាំងល្បែងខុសច្បាប់ខាងលើនេះ មិនដូចស្រុក.ខេត្ត.ដទៃឡើយ ស្រុក ខេត្ត គេផ្សេងមិនហ៊ានបើកសៃវៀនខ្នាតយក្សអញ្ចឹងទេ។ ព្រាត់បានដាក់កាលសង្ស័យថាប្រហែលជាអាជ្ញាធរមានសមត្ថកិច្ចក្នុងស្រុក ខេត្តបើកភ្លើងខៀវឱ្យហើយមើលទៅបានជាបណ្ដែតបណ្តោយអោយទីតាំងល្បែងសុីសងបញ្ជល់មាន់និង បៀអាប៉ោងខុសច្បាប់ខ្នាតយក្សមួយកន្លែងនេះបើកលេងយ៉ាងរលូនបែបនេះឬមួយម្ចាស់ទីតាំងនេះមានអំណាចធំណាស់ហើយមើលទៅបានជាអាជ្ញារមានសមត្ថកិច្ចពាក់ព័ន្ធនៅឃុំឯកភាព ជាពិសេសអាជ្ញាធរក្នុងស្រុកអូរជុំ មិនហ៊ានធ្វើការបង្ក្រាបឱ្យស្របតាមគោលនយោបាយភូមិ ឃុំ សង្កាត់ មានសុវត្ថិភាព។
មហាជននាំគ្នាសង្កេតឃើញទីតាំងវង់ល្បែងបញ្ជល់មាន់និងបៀ អាប៉ោងខុសច្បាប់មួយនេះគេនាំគ្នាចាក់លុយធំៗណាស់ ភ្នាល់ចាក់លុយចាប់ពី.៣.លានរៀលឡើងទៅ គូរខ្លះវិញរាប់ពាន់ដុល្លារ /ក្នុង១គូៗ
ចំណែកអាប៉ោង-វិញភ្នាល់ចាក់លុយ ចាប់ពី៤០-៥០.មុឺនរៀលទៅដល់-៥លាន.រៀលក្នុង១គ្របៗជាពិសេសវង់ល្បែងមួយនេះគេសង្កេតឃើញថាមានអ្នកចាំផ្លូវបិទព័ត៌មាន ហើយអ្នកខ្លះទៀតចាំសម្របសម្រួល។
ពលរដ្ឋរស់នៅឃុំឯកភាព ស្រុកអូរជុំ ខេត្តរតនគីរី កំពុងព្រួយបារម្ភភ័យខ្លាចកើតនូវអំពើចោរកម្មនិងបទល្មើសផ្សេងៗទៀត ព្រោះអំពើចោរឆក់ និងចោរប្លន់ កើតឡើងដោយសារកើតចេញពីល្បែងខុសច្បាប់ទាំងអស់នេះផងដែរ។
ដូច្នេះហើយពលរដ្ឋបាននាំគ្នាអំពាវនាវដល់ ឯកឧត្តម ញ៉ែម សំអឿនអភិបាល នៃគណៈអភិបាលខេត្តរតនគិរី ជាពិសេស លោកឧត្តមសេនីយ៍ទោ អ៊ុង សុភាព ស្នងការនគរបាលខេត្តរតនគិរី គួរតែចាត់កម្លាំង ចុះត្រួតពិនិត្យទីតាំងសង្វៀនបញ្ជល់មាន់និងបៀ អាប៉ោងខុសច្បាប់មួយកន្លែង ដែលមានទីតាំងដូចខាងលើដែលកំពុងបើកលេងដែលមានឈ្មោះសី និងឈ្មោះ ថា ជាម្ចាស់ទីតាំងគួរមានវិធានការទប់ស្កាត់ដើម្បីចាត់កម្លាំងជំនាញចុះធ្វើការបង្ក្រាបអោយខានតែបាន៕