(ភ្នំពេញ)៖ ជនសង្ស័យម្នាក់ត្រូវបានកម្លាំងនគរបាលឃាត់ខ្លួន ក្រោយធ្វើសកម្មភាពកាច់កម៉ូតូរបស់ប្រជាពលរដ្ឋ ដែលកំពុងចតទុកចោលមុខផ្ទះ រួចព្យាយាមរត់គេច!។
ការឃាត់ខ្លួននេះបានធ្វើឡើង នៅចំណុចច្រមុះជ្រូកផ្លូវ៦០ម៉ែត្រ សង្កាត់ដង្កោ ខណ្ឌដង្កោ កាលពីព្រឹកថ្ងៃទី០៥,០៧,២០១៩។
ជនសង្ស័យឈ្មោះ សុខ ឆេង ភេទប្រុស អាយុ៤៥ឆ្នាំ មុខរត់កង់បី មានស្រុកកំណើត ភូមិឈ្លោង ឃុំឈ្លោងស្រុកឈ្លោង ខេត្តក្រចេះ ។
ជននេះបានធ្វើសកម្មភាពកាច់កម៉ូតូមួយគ្រឿងម៉ាកសេ១២៥ ពណ៌ខ្មៅ ពាក់ស្លាកលេខភ្នំពេញ 1HQ 2952 ដែលជនរងគ្រោះ ចតទុកមុខផ្ទះនៅសង្កាត់ទៀន ខណ្ឌដង្កោ ។
ក្រោយកាច់ក ម៉ូតូបានសម្រេចហើយជនសង្ស័យ បានព្យាយាមជិះគេចខ្លួន
តែត្រូវបានកម្លាំងនគរបាល ជិះល្បាតតាមមូលដ្ឋាន ឃើញក៏ដេញតាមចាប់រហូតមកដល់ចំណុចច្រមុះជ្រូកផ្លូវ៥០ម៉ែត្រ សង្កាត់ដង្កោ ខណ្ឌដង្កោ ក៏ត្រូវកម្លាំងនគរបាល ធាក់ផ្តួលចាប់បានជនសង្ស័យភ្លាមៗតែម្តង ។
ក្រោយឃាត់ខ្លួន ជនសង្ស័យ រួមទាំងវត្ថុតាងនឹងម៉ូតូរបស់ជនរងគ្រោះ ត្រូវបានកម្លាំងសមត្ថកិច្ច នាំខ្លួនជនសង្ស័យយកមកកាន់អធិការដ្ឋាននគរបាលខណ្ឌដង្កោ ដើម្បីធ្វើការសាកសួរនឹងកសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធីច្បាប់៕
